Հայաստանի կառավարութիւնը միջոցներ պիտի յատկացնէ՝ Սուրիայէն տեղափոխուած հայ ուսանողներու ուսումնական վարձը մասամբ փոխհատուցելու համար: Այս մասին որոշումը կայացած է ՀՀ Կառավարութեան 22 Հոկտեմբերի նիստին:
2015-2016 թթ. համար յատկացուած է 24.6 միլիոն դրամ (52 հազար տոլար):
2012թ. նոյնպէս նման աջակցութիւն յատկացուած էր պիւտճէէն, 2013-2014թթ.` «Գալուստ Կիւլպէնկեան» հիմնարկի եւ Հայկական Բարեգործական Ընդհանուր Միութեան կողմէ: Այդուհանդերձ միջոցները բաւարար չէին Սուրիայէն տեղափոխուած բոլոր ուսանողներուն աջակցելու համար, այդ պատճառով ալ պիւտճէէն կրկին յատկացուած է լրացուցիչ աջակցութիւն:
«Այս գործընթացը պէտք է շարունակել», աւելցուցած է Սփիւռքի նախարար Հրանոյշ Յակոբեան:
