Արդէն 6րդ անգամ ըլլալով կազմակերպուած այցելութեան ծիրէ ներս, երեւանաբնակ մօտ 1400 ծնողներ մեկնեցան սահմանամերձ զօրամասեր հանդիպելու իրենց զաւակներուն եւ ծանօթանալու անոնց ծառայութեան պայմաններուն:
Քաղաքապետարանի հասարակայնութեան հետ կապերու վարչութենէն կը յայտնեն, որ ինչպէս նախորդ բոլոր այցելութիւններու ժամանակ, այս անգամ ալ ծնողները հնարաւորութիւն ստացան շրջելու զօրամասերու մէջ, ծանօթանալու իրենց զաւակներուն ծառայութեան պայմաններուն, իսկ զօրամասի ճաշարաններուն մէջ ալ ծանօթացան ճաշացանկին ու սննդակարգին:
Զինուորական հրամանատարութիւնը ընդգծած է, որ այս այցելութիւնները ոչ միայն ընկերային, այլեւ բարոյահոգեբանական շատ կարեւոր նշանակութիւն ունին բանակ-հասարակութիւն կապի ամրապնդման եւ զինուած ուժերու մարտունակութեան բարձրացման առումով:
