Կիրակի, 26. 05. 2024

spot_img

Հայաստանի Հմայքը Vogue Ամսագիրով Եւ Աշխարհահռչակ Բնորդուհի Սթելա Մաքսուելով

Նորաձեւութեան եւ ոճի բնագաւառի հեղինակաւոր հանդէսներէն մէկուն` Vogue-ի ռուսական տարբերակի խմբագրութիւնը, Victoria’s Secret ընկերութեան «հրեշտակ» Սթելա Մաքսուելի հետ արշաւ  կազմակերպած է Հայաստանի մէջ:

Panarmenian.net-ի փոխանցմամբ` Vogue Russia-ի խումբը 3 օրուան ընթացքին Հայաստանի մէջ հազարաւոր լուսանկարներ նկարուած է:

Խմբագրութիւնը դիմած է ամերիկահայ լուսանկարիչ Տէյվիտ Մուշեղեանին` ազգային հագուստներով յատուկ նկարներու շարք իրականացնելու առաջարկով: Մուշեղեան խորհուրդ տուած է մեկնիլ Հայաստան ու այնտեղ լուսանկրաներու շարք ընել: Իսկ ատոր գլխաւոր հերոսուհին Սթելա Մաքսուելն է, որ աշխարհի լաւագոյն բնորդուհիներէն (model) մէկն է:

1
Բնորդուհի Սթելա Մաքսուել Երեւանի Վերնիսաժի մէջ

Կը նշուի, որ ազգային ոճով լուսանկարներու շարքը իրականացած է Երեւանի Վերնիսաժի, Գառնիի եւ Գիւմրիի, ինչպէս նաեւ նկարչուհի Լուսիկ Ագուլեցիի տան մէջ:

Սթելա Մաքսուել եւ Ճիւան Գասպարեան
Սթելա Մաքսուել եւ Ճիւան Գասպարեան

Որպէս ժամանակակից Հայաստանի «հերոս»` ամսագիրը կը ներկայացնէ տուտուկի վարպետ Ճիւան Գասպարեանը, որ բնորդուհիին հետ նկարուած է լուսանկարներու շարքին մէջ

Ձախին` Սթելա Մաքսուել Լուսիկ Ագուլեցիի հետ, աջին` Սթելա Մաքսուել Գառնիի մէջ
Ձախին` Սթելա Մաքսուել Լուսիկ Ագուլեցիի հետ, աջին` Սթելա Մաքսուել Գառնիի մէջ

Յօդուածի աւարտին կը նշուի, որ օդակայանի ճանապարհին Մաքսուել խնդրած է կանգնիլ, եւ  փունջ մը հայկական դաշտային կակաչներ քաղած է ու տարած է հետը: Ան նշած է, որ կարմիր գոյնը Հայաստանի մէջ կանացիութեան խորհրդանիշ է:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին