Աշխարհահռչակ System of a Down խումբը Փարաճանով-Վարդանով հիմնարկի մրցանակ պիտի ստանայ: Մրցանակաբաշխութիւնը տեղի պիտի ունենայ Հոկտեմբեր 21-ին Հոլիվուտի մէջ, ըսուած է հիմնարկի «Ֆէյսպուք»ի էջին մէջ: Երաժիշտները պիտի պարգեւատրուին Wake Up the Souls շրջագայութեան համար, որ ցոյց կու տայ արդարութեան հասնելու անոնց ձգտումը:
Հիմնարկը կը զբաղի Սերկէյ Փարաճանովի եւ Միքայէլ Վարդանովի, որոնք իրենց կեանքը նուիրած էին բռնապետական վարչակարգերու անարդարութեան դէմ պայքարին մէջ, աշխատանքներու պահպանումով եւ ցուցադրութեամբ:
Անցեալ տարի այս մրցանակը յանձնուած էր հանրայայտ բեմադրիչ Մարթին Սքորսեզէին:
