Մարքէի (Marche, Իտալիա) նահանգային խորհուրդը, Հոկտեմբեր 6-ի կայացած նիստին, միաձայն ճանչցած է Հայոց Ցեղասպանութիւնը: Այս մասին կը տեղեկացնեն ՀՀ արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութենէն։
Բանաձեւը զօրակցութիւն կը յայտնէ հայ ժողովուրդին` Հայոց Ցեղասպանութեան 100-րդ տարելիցին առիթով:
«Հայ ժողովուրդի Ցեղասպանութիւն» խորագիրը կրող բանաձեւին նախաձեռնողները եղած են՝ նահանգային խորհուրդի անդամներ Ռափա Պորիսը (Rapa Boris), Փիերոնի Մօրենոն (Pieroni Moreno), Պուսիլաքի Ճանլուքան (Busilacchi Gianluca) եւ Մարքոնի Լուքան (Marconi Luca):
