ՀՀ արտաքին գործոց նախարար Էտուարտ Նալպանտեանի ուղեկցութեամբ՝ Ֆրանսախօս երկիրներու միջազգային կազմակերպութեան գլխաւոր քարտուղար Միքայէլլա Ժան, 12 Հոկտեմբերի առաւօտեան այցելեց Ծիծեռնակաբերդի յուշահամալիր եւ յարգեց Հայոց Ցեղասպանութեան զոհերու յիշատակը: Այս մասին կը հաղորդեն ՀՀ արտաքին գործոց նախարարութեան մամուլի ծառայութենէն։
Միքայէլլա ժան եւ Էտուարտ Նալպանտեան ծաղիկներ դրին Հայոց Ցեղասպանութեան զոհերու յիշատակը յաւերժացնող անմար կրակին մօտ: Այնուհետեւ Հայոց Ցեղասպանութեան թանգարան-հիմնարկի տնօրէն Հայկ Դեմոյեանի ուղեկցութեամբ՝ հիւրերը այցելեցին թանգարան եւ ծանօթացած ցուցանմուշներուն:
