Արաբական Միացեալ Էմիրութիւններու եւ Քաթարի կաթողիկոսական փոխանորդ Տէր Մեսրոպ Վրդ. Սարգիսեանի գլխաւորութեամբ, Շարժայի Փիեր Քէոսեան սրահին մէջ տեղի ունեցաւ Շարժայի Ս. Գրիգոր Լուսաւորիչ եկեղեցւոյ կիրակնօրեայ վարժարանի ուսումնական տարուան վերամուտը:
«Արմէնփրէս»ի փոխանցմամբ` այս առիթով Հայր Սուրբը հանդէս եկաւ խօսքով` մանուկներուն ու պատանիներուն յորդորելով պահել Քրիստոսի հանդէպ ունեցած սէրը եւ ամրապնդել զայն աղօթքով: Իր խօսքի աւարտին Հայր Սուրբը բարձր գնահատեց վարժարանի աշխատակազմի գործունէութիւնը, որ մեծ աշխատանք կը տանի կիրակնօրեայ վարժարանը գաղութի զաւականերուն համար աւելի սիրելի դարձնելու ուղղութեամբ:
