Հայաստանի Արտաքին գործոց նախարար Էտուարտ Նալպանտեան յայտարարեց, որ անհրաժեշտ է ջանքերը մէկտեղել՝ մարդկութեան դէմ նոր յանցագործութիւններ եւ նոր ցեղասպանութիւններ չարտօնելու: Երեւանի մէջ Ֆրանքոֆոնի կազմակերպութեան քննարկումներու արդիւնքենրը եզրափակող մամլոյ ասուլիսի ընթացքին՝ նախարարը յայտարարեց, որ բոլոր երկիրները սատարած են նախաձեռնութեան: Իսկ Սենեկալի արտաքին գործոց նախարարը յայտարարեց, որ կազմակերպութեան անդամ երկիրները միասնաբար պիտի պայքարին ցեղասպանութիւններու դէմ: Կազմակերպութեան ընդհանուր քարտուղար Միքայէլա Ժան յայտարարեց, որ իրենք կը միանան Հայաստանի ցաւին եւ ուժին: Համաժողովին մասնակից պատուիրակութիւններու ղեկավարները այցելեցին Ծիծեռնակաբերդ եւ յարգանքի տուրք մատուցեցին Հայոց Ցեղասպանութեան զոհերու յիշատակին, նաեւ ծանօթացան Հայոց Ցեղասպանութեան թանգարան-հիմնարկի ցուցանմուշներուն եւ Ցեղասպանութեան դրուագներուն:
Նալպանտեան Կոչ Ուղղեց Նոր Ցեղասպանութիւններ Եւ Յանցագործութիւններ Չարտօնելու
