Թուրքիա կը խմբագրէ իր պատմութիւնը` Ցեղասպանութենէն զերծ «պատմական» գիրքեր հրապարակելով:
Թուրքիոյ Հայոց Ցեղասպանութեան փաստի ժխտման ուղղուած պետական քաղաքականութեան ծիրէն ներս՝ լոյս տեսած է հերթական գիրք մը: Գիրքին անուանումն է` «Հայկական հարցի 100րդ տարին. պնդումներ, սուտեր, ճշմարտութիւններ»:
Ինչպէս կը յայտնէ ermenihaber.am-ը՝ վկայակոչելով ife.org.tr կայքը, 15 յօդուածներէ բաղկացած գիրքը կ՛անդրադառնայ Հայկական հարցին եւ հայ-թրքական յարաբերութիւններուն` պատմական, քաղաքական եւ ընկերային տեսանկիւններէ:
Գիրքը բնականաբար տուրք կու տայ ժխտողական քաղաքականութեան դրոյթներուն:
Կը նշուի, որ գիրքին ստեղծման անհրաժեշտութիւնը յառաջացած է, քանի որ «Հայկական հարցը կը շարունակէ առաջին օրուան պէս արդիական մնալ, հակառակ որ արդէն 100 տարի անցած է»:
Գիրքը կազմած են15 համահեղինակներ:
