Երեւանի մէջ բանաստեղծուհի Սիլվա Կապուտիկեանի տուն-թանգարան պիտի բացուի: Որոշումը կայացուցած է ՀՀ կառավարութիւնը 8 Հոկտեմբերի նիստին` հաշուի առնելով «Սիլվա Կապուտիկեան» գրական հիմնադրամի հոգաբարձուներու խորհուրդի դիմումը: Տուն-թանգարանը պիտի բացուի Երեւանի Մարշալ Բաղրամեան 1-ին անցուղի, շէնք 1 հասցէին գտնուող 160,7 քմ. մակերեսով թիւ 26 բնակարանին մէջ:
Կառավարութեան որոշման նախագիծով կը յանձնարարուի Հայաստանի Հանրապետութեան մշակոյթի նախարարին, սոյն որոշումը ուժի մէջ մտնելէ ետք հնգամսեայ ժամկէտի մէջ ապահովել՝ «Սիլվա Կապուտիկեան» գրական հիմնադրամի հետ թանգարանային առարկաներու նուիրաբերութեան պայմանագրի կնքումը եւ այդ առարկաներու անհատոյց, անժամկէտ օգտագործման իրաւունքով յանձնումը «Ե. Չարենցի անուան գրականութեան եւ արուեստի թանգարան» պետական ոչ առեւտրային կազմակերպութեան:
