UWC Dilijan College-ի շէնքային համալիրի նախագիծը ճանաչցուած է լաւագոյնը Եւրոպայի մէջ` դառնալով հեղինակաւոր International Property Awards մրցոյթի եւրոպական փուլի յաղթողը «Public Services Development» անուանակարգին մէջ: Փորձագիտական դատակազմի կողմէ ան արժանացած է առաւելագոյն գնահատականի: Նախագիծը ներկայացուած է International Property Awards համաշխարհային մրցոյթի եզրափակիչ փուլ, որու յաղթողները յայտնի պիտի դառնան 2015ի Դեկտեմբերին:
Հայաստանի զարգացման նախաձեռնութիւններ հիմնադրամի հաղորդմամբ, քոլէճի շէնքի նախագիծի պատուիրատուն «Քեմփ Վենչուրս» ՓԲ ընկերութիւնն է (Հայաստան), նախագիծի գլխաւոր ճարտարապետը` «Tim Flynn Architects»-ը (Մեծ Բրիտանիա), գլխաւոր կապալառուն եւ գլխաւոր նախագծողը` «RD Group» ընկերութիւնը (Ռուսիա):
2015 թուականին UWC Dilijan College-ի շէնքը միջազգային շարք հեղինակաւոր մրցանակներու արժանացած է` դառնալով «International Property Awards -2015» մրցոյթի դափնեկիր` «Public Services Development» անուանակարգին մէջ (եւրոպական տարածաշրջան) եւ IGRA «Green Roof Leadership Awards-2015»-ի դափնեկիր` «Trendsetting Architecture» անուանակարգին մէջ, ինչպէս նաեւ յաղթելով զարգացման նախագիծերու «FIABCI Prix d’Excellence» միջազգային մրցոյթի ռուսաստանեան փուլին` «Հանրային հատուած» անուանակարգով: Անիկա նաեւ ԱՊՀ տարածքին միակ կրթական հաստատութիւնն է, որ արժանացած է BREEAM-ի հաւաստագիրի` բնապահպանական շինարարութեան համար:
International Property Awards-ը հիմնադրուած է 1995ին, ներկայիս կը համարուի միջազգային ամենահեղինակաւոր մրցանակներէն մէկը, որ կը շնորհուի բնակելի, հասարակական եւ առեւտրական գոյքի ոլորտին մէջ: Մրցանակներ կը շնորհուին հետեւեալ անուանակարգերու մէջ` Architecture, Interior Design, Development եւ Agents & Consultants, որոնցմէ իւրաքանչիւրը իր հերթին կը բաժնուի ենթաանուանակարգերու: Դատական կազմին մէջ ընդգրկուած են ճանչցուած փորձագէտներ, որոնք կը գնահատեն ոչ միայն նախագիծերու ճարտարապետութիւնը, այլ նաեւ «կանաչ» շինարարութեան, ուժանիւթի արդիւնաւէտութեան եւ կայուն զարգացման ոլորտներու մէջ ժամանակակից պահանջներուն համապատասխանութիւնը:
UWC Dilijan College-ի հիմնումը բարերարներ Ռուբէն Վարդանեանի եւ Վերոնիքա Զոնապենդի ու անոնց գործընկերներու` մասնաւոր անձերու եւ կազմակերպութիւններու համատեղ նախագիծն է, որ իրականացուցած է «Հայաստանի զարգացման նախաձեռնութիւններ» (IDeA) հիմնադրամը:
UWC Դիլիճան քոլէճը «Աշխարհի միացեալ քոլէճներ» ցանցի (United World Colleges -UWC) լիիրաւ անդամ է եւ ունի IB Diploma ծրագիրով դասաւանդելու Միջազգային BA (bachelor) կազմակերպութեան հաւատարմագիր:
