20 Սեպտեմբերին Մոնրէալի «Փլաս տէ զար» համերգասրահին մէջ, Հայոց Ցեղասպանութեան 100-րդ տարելիցին առիթով, Մոնրէալի սիմֆոնիք նուագախումբին հետ հանդէս եկաւ աշխարհահռչակ յօրինող Քրիստոֆ Փենտերեցքին, որ անձամբ ղեկավարելով երգչախումբը` ունկնդիրներուն հրամցուց Մեծ Եղեռնի զոհերուն յիշատակին նուիրուած «Սաղմոս Գ.» ստեղծագործութիւնը:
Համերգի ընթացքին նուագախումբը նուագեց նաեւ Պախէն, Պրամսէն եւ Պըռնըշթայնէն երաժշտական կտորներ:
Համերգը կազմակերպուած էր Հայոց Ցեղասպանութեան 100-րդ տարելիցի Գանատայի միացեալ մարմինին կողմէ:
Նշենք, որ Փենտերեցքիի մեծ մայրը Սպահանէն հայուհի մը եղած է: Աշխարհահռչակ երաժշտագէտը մանուկ հասակին մեծ մօր հետ ամէն Կիրակի յաճախած է Լեհաստանի Քրաքով քաղաքի հայոց եկեղեցի:
