Հայաստանի արտաքին գործոց նախարար Էտուարտ Նալպանտեան, Երեւանի մէջ կայացած Խաղաղապահ գործունէութեան նուիրուած միջազգային համաժողովի ժամանակ յայտարարեց, թէ Երկրորդ համաշխարհային պատերազմէն ու ֆաշիզմի դեմ յաղթանակէն ետք, խաղաղութեան պահպանման հարցերը երբեք այնքան արդիական չեն եղած՝ քան հիմա: Ան ընդգծեց, որ Հայաստան կարեւոր նշանակութիւն կու տայ խաղաղապահ գործունէութեան մասնակցելու եւ անոր մէջ իր ծանրակշիռ ներդրումը ունենալու: Նալպանտեան նաեւ նշեց, որ խնդրայարոյց հարցերու լուծումը պէտք է տեղի ունենայ ոչ թէ ուժով, այլ քաղաքական ճանապարհով: Անդրադառնալով ԼՂ հակամարտութեան կարգաւորման ան յիշեցուց, որ բանակցութիւնները կ’ընթանան ԵԱՀԿ Մինսքի խումբի ձեւաչափով։ Այսպիսով միջազգային հանրութեան բոլոր ջանքերը պէտք է համակարգել այդ ձեւաչափի ծիրէն ներս: Որպէս իրավիճակի լարումը կանխելու եւ վստահութեան մթնոլորտ ստեղծելու կարեւոր մեքանիզմ՝ նախարարը նշեց հայ-ազրպէյճանական սահմանին եւ շփման գիծին վրայ միջադէպերու հետաքննութեան մեքանիզմ ստեղծելու մասին համանախագահներուն նախաձեռնութիւնը:
