Սեպտեմբեր 18ին ՀՀ Անկախութեան 24րդ տարեդարձի առթիւ, Արաբական Միացեալ Էմիրութիւններու Շարժա քաղաքի Սուրբ Գրիգոր Լուսաւորիչ եկեղեցւոյ մէջ տեղի ունեցաւ Սուրբ եւ անմահ պատարագ, կը հաղորդէ «Հայերն Այսօր»ը:
Սեպտեմբեր 23ին Արաբական Միացեալ Էմիրութիւններու մօտ ՀՀ դեսպանատան մէջ տեղի ունեցաւ պաշտօնական ընդունելութիւն:
Հայաստանի Հանրապետութեան պետական օրհներգին յաջորդեց ԱՄԷ եւ Քաթարի թեմի կաթողիկոսական փոխանորդ, Հոգեշնորհ Տէր Մեսրոպ վարդապետ Սարգսեանի մաղթանքը եւ սրտի խօսքը:
ԱՄԷի մէջ ՀՀ դեսպան Գեղամ Ղարիպճանեան իր ելոյթին մէջ անդրադարձաւ՝ Հայաստանի Հանրապետութեան արտաքին ու ներքին քաղաքականութեան հարցերուն, ապա ընթերցուեցաւ ՀՀ նախագահ Սերժ Սարգսեանի շնորհաւորական ուղերձը Անկախութեան տարեդարձի առիթով:
Երեկոյի գեղարուեստական բաժինէն ետք տեղի ունեցաւ հիւրասիրութիւն:
