Թորոս Ռոսլինի հեղինակած ութ պատկերազարդ էջեր պահպանութեան կը յանձնուին Լոս Անճելըսի Գեթթի թանգարանին:
Ըստ «Արցախփրես»ի, որ կը վկայակոչէ Associated Press գործակալութիւնը` 13-րդ դարու ստեղծագործութիւններուն պահպանութեան վստահումը ԱՄՆի խոշորագոյն թանգարաններէն մէկուն՝ դարձաւ Ամերիկայի հայ առաքելական եկեղեցւոյ եւ Գեթթի թանգարանի համագործակցութեան արդիւնք:
Ութ թերթերուն պատկերուած խորանները կը կազմեն Զէյթունի Աւետարանին մէկ մասը: Համաձայն թուագրութեան անոնք 13րդ դարու հայ անուանի գործիչ Թորոս Ռոսլինի առաջին աշխատանքներէն են:
Քանի մը տարի անընդմէջ հայ եկեղեցին կը բարձրաձայնէր նշուած աշխատանքներու իրաւայաջորդութեան հարցը: Սակայն Գեթթի թանգարանը կը հրաժարէր տրամադրելէ զանոնք, քանի որ թանգարանը 1994ին օրինական կերպով գնած էր զանոնք՝ Հայոց Ցեղասպանութիւնը վերապրած քաղաքացիէ մը, որ իր հետ փրկած էր նշուած ութ էջերը:
Տարիներ տեւացած վէճը հանգուցալուծուեցաւ թանգարանին կողմէ թուղթերու պատկանելիութիւնը Հայոց եկեղեցիին ըլլալը ընդունելէ ետք: Հայկական եկեղցին ալ իր հերթին համաձայնութիւն տուաւ պահպանել զանոնք Գեթթի թանգարանին մէջ:
