Արցախի նախագահ Բակօ Սահակեան Սեպտեմբեր 14-ին այցելած է հանրապետութեան հարաւարեւելեան սահմանագիծերէն մէկը, ծանօթացած հոն տիրող իրավիճակին եւ զինուորներու ծառայութեան ընթացքին: Այս մասին կը հաղորդէ Արցախի նախագահի մամուլի եւ տեղեկատուութեան գրասենեակը։
Բակօ Սահակեան երախտագիտութիւն յայտնած է զինուորներուն` երկրին սահմանները անսասան պահելու, մարտական բարձր ոգի եւ հայրենասիրութիւն ցուցաբերելու համար` ընդգծելով, որ զինուած ուժերու մարտունակութեան հետեւողական բարձրացումը եղած է եւ կը մնայ պետութեան առջեւ ծառացած կարեւորագոյն խնդիրներէն մէկը:
Նախագահին ընկերակցած են Լեռնային Ղարաբաղի Հանրապետութեան փոխվարչապետ Արթուր Աղաբեկեան, պաշտպանութեան նախարար Լեւոն Մնացականեան, Հայաստանի պաշտպանութեան նախարարութեան հանրային խորհուրդի խումբ մը անդամներ, պաշտօնատար այլ անձեր:
