Հրադադարի խախտման պարբերականութիւնը նուազած է: Այս մասին ըստ News.am-ի, յայտնած են Հայաստանի պաշտպանութեան նախարարութեան տեղեկատուութեան եւ հասարակայնութեան հետ կապերու վարչութենէն` անդրադառնալով սահմանային իրավիճակին:
Ըստ աղբիւրին սահմանագօտիին վրայ հակառակորդին կողմէ կ՝արձանագրուին անկանոն բնոյթի կրակոցներ, սակայն հայկական կողմը կը վերահսկէ իրավիճակը:
Յիշեցնենք, որ Սեպտեմբեր 1-ին քանի մը օր լարուած իրավիճակ էր հայ-ազրպէյճանական սահմանին վրայ: Հակառակորդը պարբերաբար կը գնդակոծէր Տաւուշի մարզի սահմանամերձ գիւղերը: Մոսկուայի մէջ Սեպտեմբեր 7-ին տեղի ունեցած Սարգսեան-Փութին հանդիպումէն յետոյ իրավիճակը հանդարտած է:
