Հայոց Ցեղասպանութեան հարիւրամեակին, 1915 թուականին տեղի ունեցածը որպէս Ցեղասպանութիւն ճանչցած երկիրներէն, իր դեսպանները ետ կանչած Թուրքիոյ բողոքի այդ քայլը տեւեց չորս ամիս:
Ըստ «Արցախփրես»ի՝ «Ճումհուրիէթ» թերթի կայքը կը փոխանցէ, որ Լիւքսեմպուրկէն ետ կանչուած Թուրքիոյ դեսպանը արդէն վերադարձած է իր աշխատավայրը:
Այժմ պաշտօնին վերադառնալու համար օրերը կը հաշուեն Վատիկանի, Պրազիլի եւ Աւստրիոյ մէջ թուրք դեսպանները:
Լիւքսեմպուրկի դեսպանը ետ վերադարձնելու որոշումը կայացուցած է արտաքին գործոց նախարար Ֆերիտուն Սինիրլիօղլու` Լիւքսեմպուրկ կատարած այցի ընթացքին:
Յիշեցնենք, որ այս տարի Հայոց Ցեղասպանութիւնը ճանչցած վերոնշեալ չորս երկիրներէն, Թուրքիա ետ կանչած էր իր դեսպանները «խորհրդակցութեան նպատակով»:
