Արդէն աւանդական դարձած Արցախեան գինիի փառատօնը այս տարի պիտի կայանայ Հոկտեմբեր 17-ին, Լեռնային Ղարաբաղի Հատրութի շրջանի Տող գիւղին մէջ՝ Տողի Մելիքական ապարանքի յարկին տակ: Ըստ News.am-ի փառատօնի կազմակերպիչները հաստատած են, որ այս անգամ ալ փառատօնը պիտի կազմակերպուի ժամանցի, ուրախութեան ու արձակուրդի ոգիով: Փառատօնը կ՛ընդգրկէ արցախեան գինիի եւ բերքի ցուցահանդէս-վաճառք, հարուստ համերգային ծրագիր, աւանդական խաղեր, ձեռային աշխատանքներու ցուցահանդէս:
Գինիի տօնավաճառին պիտի ներկայացուին գինեգործութեամբ յայտնի Լեռնային Ղարաբաղի բոլոր շրջանները, ինչպէս նաեւ Հայաստանէն գինեգործներ:
Արցախեան գինիի երկրորդ փառատօնը կազմակերպուած է Լեռնային Ղարաբաղի տնտեսութեան նախարարութեան կողմէ՝ անձնական ընկերութիւններու հետ համագործակցութեամբ:
