Ֆրանսայի Վալանս քաղաքի Հայկական ժառանգութեան կեդրոնին մէջ բացուած է ցուցահանդէս՝ «Մենք ենք ապագան. Հայոց Ցեղասպանութեան որբերը» խորագիրով:
«Արցախփրես»ը կը փոխանցէ՝վկայակոչելով Nouvelles d’Armenie-ն, որ ցուցադրութեան ներկայացուած են արխիւային փաստաթուղթեր եւ լուսանկարներ, որոնք կ՛առնչուին Ցեղասպանութենէն փրկուած երիտասարդ հայ կանանց եւ տղամարդոց, որոնք այդ ողբերգութեան հետեւանքով զրկուած են իրենց մանկութենէն:
Ցուցահանդէսը, որ պիտի շարունակուի մինչեւ Սեպտեմբեր 20, կը պատմէ այն որբ երախաներուն, տղամարդոց եւ կանանց պատմութիւնները, որոնք վերապրած են Ցեղասպանութիւնը եւ դարձած հայ ժողովուրդի ապագան:
Ցուցահանդէսի բացումը տեղի ունեցած է Սեպտեմբեր 9-ին: Ներկայ եղած են պատգամաւոր Փաթրիք Լապոն, Վալանսի քաղաքապետ Նիքոլա Տարակոն, Հայկական ժառանգութեան կեդրոնի տնօրէն Լոր Փիաթօ եւ այլք:
Ցուցադրութեան կազմակերպիչ Անթոնի Պետրոսեան ընդգծած է անոր կայացման կարեւորութիւնը՝ Հայոց Ցեղասպանութեան 100-րդ տարելիցին: Ան նշած է, որ ցուցահանդէսը հնարաւոր եղած է կազմակերպել տարբեր պետութիւններու եւ անհատներու արխիւներէն հաւաքուած՝ լուսանկարներու եւ աղբիւրային նիւթերու շնորհիւ: Պետրոսեան շնորհակալութիւն յայտնած է բոլոր անոնց, որոնց շնորհիւ ցուցահանդէսի կազմակերպումը հնարաւոր եղած է:
