Հայկական Սփիւռքը ներկայացնող արուեստագէտներու գործերը կը ցուցադրուին «Թոռներ, պատկանելութեան նոր աշխարհագրութիւններ» խորագիրով ցուցահանդէսին մէջ, որ բացուած է Սթամպուլի «Տէփօ» արուեստի եւ մշակոյթի կեդրոնին մէջ:
Ըստ «Արցախփրես»ի՝ թրքական Today’s Zaman պարբերականը կը փոխանցէ` ցուցադրութիւնը կազմակերպող Սիլվինա Տէր Մկրտչեան նշած է, որ ցուցադրութիւնը կեդրոնացած է, թէ ինչ ինկած է ընդհանուր մշակութային ժառանգութեան հիմքին, կամ ինչ կու տայ այդ ժառանգութիւնը հայկական ծագում ունեցող այն արուեստագէտներուն, որոնք կը բնակին տարբեր երկիրներ:
Ցուցադրութիւնը պիտի շարունակուի մինչեւ Նոյեմբեր 1:
