Հայաստանի Հանրապետութեան նախագահ Սերժ Սարգսեան, ԵԱՀԿ-ի գործող նախագահի անձնական ներկայացուցիչ Անճեյ Գասպրչիկի հետ քննարկեց՝ վերջին օրերուն հայ-ազրպէյճանական պետական սահմանին եւ ղարաբաղա-ազրպէյճանական շփման գիծին վրայ տիրող իրավիճակի հետ կապուած հարցեր: Երկուստեք մտահոգութիւն յայտնուեցաւ շփման գիծի վրայ զինադադարի դրութեան խախտման յաճախակի դարձած դէպքերուն կապակցութեամբ: Սարգսեանը կարեւորեց ԵԱՀԿ-ի Մինսքի խումբի համանախագահներուն կողմէ առաջարկուած՝ միջադէպերու քննութեան մեքանիզմի շուրջ համաձայնութեան հասնիլը ընդգծելով, որ ատիկա հնարաւորութիւն կ’ընձեռէ խուսափիլ իրավիճակի նման սրացումներէ եւ մարդկային կորուստներէ։