Հինգշաբթի, 25. 07. 2024

spot_img

“Մաշտոց- Սորվինք Հայերէն” Համակարգչային Արեւմտահայերէն Ուսուցողական Խաղ

“Մաշտոց”ը համակարգչային արեւմտահայերէն ուսուցողական նոր խաղ մըն է, որ կը ներկայացնէ հայկական առաջին կրթական յաւելուածը՝ նախատեսուած արեւմտահայերէնով հետաքրքրուողներու համար:

Այժմ արդէն ուր ալ ըլլաք, հնարաւորութիւն ունիք ձեր հեռաձայնի միջոցով արեւմտահայերէն սորվիլ “Մաշտոց”ի օգնութեամբ:

Ուսուցողական այս խաղը կ’օգնէ սորվիլ արեւմտահայերէն բառապաշար եւ քերականական հիմնական կանոններ, ան նաեւ լայն հնարաւորութիւն կ’ընձեռէ՝ ամրապնդելու ձեր գիտելիքը հայ մշակոյթի, գրականութեան, պատմութեան եւ աշխարհագրութեան ոլորտներէ ներս:

Հետաքրքրական, գունազարդ եւ տեղեկութիւններով լի խաղերու միջոցով դուք կը ստանաք շատ գիտելիքներ, առանց շատ ջանք թափելու: Այս մասին ԵՌԱԳՈՅՆ-ին կը յայտնեն խաղի հեղինակները։

Այսպիսով “Մաշտոց”ի Անտրոյտ յաւելուածը արդէն հասանելի է Google Play-ի մէջ: Ընդամէնը պէտք է ներբեռնել յաւելուածը, որ անվճար է: Գործարկեցէ՛ք եւ գնահատեցէ՛ք:

https://play.google.com/store/apps/details?id=com.inconceptlabs.mashtots

Ծրագիրը հովանաւորած է Գալուստ Կիւլպէնկեան Հիմնարկը՝ նպատակ ունենալով հայոց համար ձեւաւորել ապագայ մը, ուր հայ մշակոյյթը եւ լեզուն կը պահպանուին ու կը գնահատուին:

Ծրագրի գաղափարը առաջարկուած եւ իրականացած է Երեւանի մէջ հիմնուած InConceptLabs ՏՏ նորաստեղծ ընկերութեան կողմէ:

 

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին