Հինգշաբթի, 25. 07. 2024

spot_img

Արփինէ Յովհաննիսեան Հայաստանի Արդարադատութեան Նախարար Նշանակուած Է

Հայաստանի նախագահ Սերժ Սարգսեանի հրամանագիրով, Արփինէ Յովհաննիսեան նշանակուած է Հայաստանի Արդարադատութեան նախարար:

Ինչպէս կը տեղեկացնէ ՀՀ նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութիւնը, Սերժ Սարգսեան նշանակման որոշումը կայացուցած է` ղեկավարուելով Հայաստանի Հանրապետութեան Սահմանադրութեան 55-­րդ յօդուածի 4-­րդ կէտով:

Արփինէ Յովհաննիսեան ծնած է  1983-ի Դեկտեմբեր 4-ին, Երեւան:

2004-ին աւարտած է Երեւանի Պետական Համալսարանի (ԵՊՀ) իրաւաբանական բաժանմունքը, 2006-ին նոյն բաժանմունքի մագիստրոսական աստիճանը: 2009-ին աւարտած է ԵՊՀ իրաւաբանական բաժանմունքի ասպիրանթուրան (թեկնածուականը), իրաւաբանական գիտութիւններու թեկնածու է:

2003-2006 թուականներուն աշխատած է Հայաստանի Արդարադատութեան նախարարութեան աշխատակազմի դատաիրաւական բարեփոխումներու վարչութեան՝ քրէակատարողական ծառայութեան բարեփոխումներու բաժնի առաջին կարգի մասնագէտ,  2006-2007 թուականներուն` յառաջատար մասնագէտ:  2007-ին ԵՊՀ իրաւաբանական բաժանմունքի քաղաքացիական իրաւունքի ամպիոնի դասախօս: 2007-2008 թուականներուն եղած է ՀՀ Արդարադատութեան նախարարութեան աշխատակազմի իրաւական աքթերու փորձաքննութեան վարչութեան պետի տեղակալ: 2008-ի Մայիս 19-էն Սեպտեմբեր 30` ՀՀ նախագահի աշխատակազմի ղեկավարի օգնական:  2008-2011 թուականներուն` Ազգային Ժողովի (ԱԺ) նախագահի խորհրդական:

2012-ի Մայիս 6-ին ԱԺ պատգամաւոր ընտրուած է համամասնական ընտրակարգով Հայաստանի Հանրապետական կուսակցութենէն:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին