Սուրիոյ ՀՀ դեսպանութիւնը չի հաստատեր այն տեղեկութիւնները, թէ զինեալներ Սուրիոյ մայրաքաղաք Դամասկոսի մէջ գրաւած են հայաբնակ շրջաններ:
«Սուրիոյ մէջ ՀՀ դեսպանութեան տուեալներով իրականութեան չեն համապատասխաներ այն լուրերը, թէ ահաբեկիչները գրաւած են Դամասկոսի հայաբնակ շրջանները»: Այս մասին Ֆէյսպուքի իր էջին մէջ յայտնած է ՀՀ արտաքին գործոց նախարարութեան մամուլի խօսնակ Տիգրան Բալայեան:
Աւելցնենք, որ քանի մը օր առաջ տեղեկութիւններ տարածուած էին, թէ Իսլամական պետութիւն կազմակերպութեան զինեալները գրոհով կը մօտենան Դամասկոսի կեդրոնին:
