Հինգշաբթի, 25. 07. 2024

spot_img

ԱՄՆ-ի Մէջ Պիտի Բացուի Օսմանեան ժամանակաշրջանի Հայ Նկարիչներ Տիլտիլեան Եղբայրներու Լուսանկարներու Ցուցահանդէսը

ԱՄՆ Հարաւային Քոնեքթիքթի պետական համալսարանին մէջ, Սեպտեմբեր 10-էն Հոկտեմբեր 18 պիտի բացուի՝ Տիլտիլեան եղբայրներու ընտանեկան արխիւէն ընտրուած լուսանկարներու ցուցահանդէսը: Լուսանկարները  կը պատկանին  1872-1923 թուականներուն: Ընտանիքին երրորդ սերունդի ներկայացուցիչ Արմէն Ցոլակ Մարսուպեանի հաւաքած լուսանկարներու հաւաքածոյին մէջ կան 900 լուսանկարներ:

The Armenian  Mirror Spectator շաբաթաթերթի փոխանցմամբ` լուսանկարներու ցուցադրութիւնը նուիրուած է Հայոց Ցեղասպանութեան, կը գրէ Արցախփրէս-ը:

19-րդ դարու Անատոլիոյ հասարակական կեանքը եւ Հայոց Ցեղասպանութեան  շարք մը դրուագներ պատկերող լուսանկարներու հաւաքածոն, այժմ կը պատկանի Հարաւային Քոնեքթիքթի պետական համալսարանի փրոֆեսոր Արմէն Մարսուպեանին եւ Ցոլակ Տիտիլեանին:  Ցոլակ եւ Արամ Տիլտիլեանները լուսանկարիչներ  եղած են Օսմանեան կայսրութեան մէջ եւ աշխատած Մերզիֆոնի Անատոլիա քոլեճը:

Անգլիալեզու շաբաթաթերթի հաղորդմամբ` ցուցահանդէսի բացման արարողութեան Հարաւային Քոնեքթիքթի պետական համալսարանի տնօրէն Մերի Փափազեան, համալսարանի նախագահի մետալով պիտի պարգեւատրէ Խաչատուր Աբովեանի անուան հայկական պետական մանկավարժական համալսարանի տնօրէն Ռուբէն Միրզախանեանը` Հայաստանի մէջ կրթութեան որակը բարձրացնելու  համար:

Լուսանկարներու ցուցահանդէսը ցուցադրուած է Սթամպուլի, Մերզիֆոնի  եւ Տիարպերքիրի մէջ: Կը նախատեսուի ցուցադրութիւն կազմակերպել նաեւ Լոնտոնի, Անգարայի, Երեւանի եւ Ուոթըրթաունի մէջ:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին