Կիրակի, 21. 07. 2024

spot_img

Հարիւր Տարիներու Յիշատակը Դէմքերու Վրայ «Ճումհուրիյէթ»

Նուրան Ագգայայի «Էրմէնիլէր» անուն գիրքը, որ Պոլսոյ ու Թուրքիոյ զանազան քաղաքներուն մէջ ապրող հայերու լուսանկարչական դիմանկարները ափոփած է, թուրք մամուլին մէջ կը շարունակէ նիւթ դառնալ: 1915-ի հարիւրամեակին ձօնուած այս գիրքին լուսանկարները քաշուած են ուղղակի Նուրան Ագգայայի կողմէ, եւ մենք («Նոր Մարմարա»-ն) արդէն այս գիրքին մասին խօսած ենք, երբ հրատարակուեցաւ, բայց հիմա պարբերաբար արձագանգ կը գտնէ թուրք մամուլին մէջ: Այս մասին կը հաղորդէ «Նոր Մարմարա»-ն։

Այս ծիրին մէջ «Ճումհուրիյէթ» թերթին մէջ Էվրիմ Ալթուղ գնահատանքի ջերմ տողերով անդրադարձած էր գիրքին ու խորագիրին մէջ իսկ դիտել տուած, որ «Հարիւր տարիներու յիշատակը կը միանայ դէմքերուն վրայ»: Ան կը նշէ, որ այս գիրքը Կեսարիոյ, Պոլսոյ, Կարսի, Վանի, Անտիոքի ու այլ վայրերու մէջ ապրած եւ իրենց հետքերը ձգած  հայեր՝ փաստանկարի մը վրայ իրարու հետ կը ժամադրէ: Էջին մէջ պատուոյ տեղ տրուեր է Նուրան Ագգայայի կողմէ դիմանկարուած Նիք Մերտինեանի, որ չորցուած տերեւներու վրայ նկարներ քանդակելու վարպետ մըն է: Յօդուածագիրը կը նշէ նաեւ անունները այն բոլոր հայերուն, որոնք Թուրքիոյ մէջ անուն ունին որպէս զանազան ասպարէզներու մէջ փայլած հայեր:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին