Շաբաթ, 13. 07. 2024

spot_img

ԱՄՆ-Ի Մէջ Գեղեցկութեան Մրցոյթի Յաղթողը Պատմած Է Սուրիահայերուն Հետ Ընկերութեան Եւ Հայերէն Սորվելու Մասին

22­-ամեայ Ֆապիոլա ալ Իպրահիմը, որ այս տարի ճանչցուած է «Միսս Արաբ ԱՄՆ 2015» գեղեցկութեան մրցոյթի յաղթող՝ պատմած է, թէ ինչպէս  պատանեկութեան տարիներուն ընկերութիւն ըրած է սուրիահայերու հետ եւ ինչպէս  դրացիներու օգնութեամբ սորված է հայերէն:

Ինչպէս կը հաղորդէ «Արմէնփրէս»­ը` վկայակոչելով Armenianlife­ը, գեղեցկուհին, որուն մանկութիւնը անցած է ԱՄՆ-ի մէջ, իսկ յետագայ ողջ կեանքը Սուրիոյ մէջ, խոստովանած է, որ իրենց թաղամասին մէջ ամէնէն շատ կը սիրէր ծանօթանալ հայերու հետ:

Անոնց օգնութեամբ գեղեցկուհին սորված է հայերէն, նոյնիսկ պատրաստած հայկական թխուածքներ: Ֆապիոլան պատմած է, որ դպրոցական տարիներուն հայ աղջիկներու հետ միասին մասնակցած է նուագախումբի մը եւ այնտեղ ալ առաջին անգամ լսած է հայկական երաժշտութիւն ու հայկական երգեր: Գեղեցկութեան մրցոյթին մասնակցելուն զուգահեռ՝ Ֆապիոլան բժշկութիւն  ուսանած է Վիրճինիոյ համալսարանին մէջ:

Հիւանդանոց աշխատելու առընթեր  գեղեցկուհին մտադիր է կեդրոն բանալ, ուր երախաներ հնարաւորութիւն կ՛ունենան սորվելու արուեստ, երաժշտութիւն, բարոյագիտութիւն եւ բանաւոր խօսք:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին