Երեւանի քաղաքապետարանի ենթակայութեան 50 դպրոցի մէջ, այս ուսումնական տարին եւս պիտի դասաւանդուի «Ազգային երգ ու պար» դասը: Այս մասին ըստ Armenpress.am-ի, լրագրողներու հետ կայացած զրոյցին յայտնած է Երեւանի քաղաքապետարանի աշխատակազմի հանրակրթութեան վարչութեան պետ Գայիանէ Սողոմոնեան:
«Այս ծրագիրը 2014-15 ուսումնական տարում մուտք գործեց դպրոց: Այն իրականացուեց 10 դպրոցներում: Յաջողութիւն արձանագրուեց եւ առաջատար ծրագիրը կեանքի կոչուեց: Այս ուսումնական տարում մայրաքաղաքի եւս 50 դպրոցներում կը դասաւանդուի «Ազգային երգ ու պար», նշած է Գայիանէ Սողոմոնեան:
Երեւանի քաղաքապետարանի աշխատակազմի հանրակրթութեան վարչութեան պետին խօսքով, այս օրերուն Երեւանի թիւ 20 դպրոցին մէջ կը վերապատրաստուին նշեալ նիւթը դասաւանդող ուսուցիչները: «Մինչեւ Սեպտեմբերի 1ը կ’աւարտուեն վերապատրաստումները, եւ նրանք գիտելիքներով զինուած կը մտնեն դպրոց` դասաւանդելու», աւելցուցած է Գայիանէ Սողոմոնեան:
ՀՀ կրթութեան եւ գիտութեան նախարար Արմէն Աշոտեան, Յուլիս 2-ին հրաման ստորագրած է 2015-2016 ուսումնական տարուանէ՝ «Ազգային երգ ու պար» դասանիւթը Հայաստանի Հանրապետութեան եւս 100 հանրակրթական ուսումնական հաստատութիւններու մէջ ներդնելու վերաբերեալ: «Ազգային երգ ու պար» դասանիւթը հանրապետութեան 13 դպրոցներու մէջ ներդրուած է 2014-2015 ուսումնական տարուան սկիզբը: Առարկային ուսուցումը նախատեսուած է միջին դպրոցի մէջ, դասաւանդումը կը սկսի հինգերորդ դասարանէն եւ կ՚աւարտի եօթներորդ դասարանին:
