Շաբաթ, 20. 07. 2024

spot_img

Հայաստանի Մէջ Կը Բացուի Միջազգային Աստղագիտական Միութեան Գրասենեակ

Միջազգային աստղագիտական միութեան Աստղագիտութեան զարգացման գրասենեակը, նոր համակարգման բաժիններ հիմնադրած է Հայաստանի, Քոլոմպիոյ, Յորդանանի, Նիկերիայի եւ Փորթուկալի մէջ։

Ըստ News.am-ի Միութեան կայքին վրայ նշուած է, որ նոր երկիրներու հետ գործընկերութիւնը մաս կը կազմէ կազմակերպութեան տասնամեայ ռազմավարական ծրագիրին, որուն թիրախը աստղագիտութեան հասարակական շահի իրացումն է։

Համաձայնագիրը ստորագրուած է Հոնոլուլուի մէջ, կազմակերպութեան Ընդհանուր ժողովին ընթացքին:

Հինգ նոր գրասենեակները պիտի կատարեն երկու կարեւոր գործառնութիւն. շրջանային բաժանմունքները պիտի համակարգեն գործունէութիւնը՝ դրացի երկիրներուն մէջ աստղագիտութեան զարգացման ոլորտին, իսկ լեզուական փորձագիտական կեդրոնները պիտի զբաղին լեզուային եւ մշակութային կողմերով:

Հարաւ-արեւմտեան Ասիոյ շրջանային գրասենեակ պիտի բացուի Հայաստանի մէջ՝ Բիւրականի աստղադիտարանին կից:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին