16 օրուան ջուրի եւ ելեկտրականութեան ամբողջական անջատումէն ետք, Հալէպի մէջ աստիճանաբար միանալ սկսաւ ելեկտրական հոսանքը, որուն յաջորդեց ջուրը։ Ջուրը այժմ հասանելի է քաղաքի բոլոր շրջաններուն, իսկ ելեկտրականութիւնը օրական քանի մը ժամ կը միանայ։ Այս մասին կը յայտնէ Հալէպի «Գանձասար»ը:
Անցնող օրերուն, Հալէպի բնակչութիւնը ապրեցաւ տագնապալի օրեր՝ ջրհորներէն ջուր կրելով եւ օրական դրութեամբ ըմպելի ջուր գնելով։ Ընթացքին քաղաքի եկեղեցիներէն, մզկիթներէն, հայկական թէ տեղական կեդրոններէն ջրհորներու ջուր մատակարարուեցաւ բնակչութեան կը հաղորդէ «Գանձասար»ի գլխաւոր խմբագիր Զարմիկ Պօղիկեան:
