16 Օգոստոս 2015, Կիրակի, Սբ. Աստուածածնի Վերափոխման տօնին առիթով առաջնորդական հանդիսաւոր սուրբ Պատարագ մատուցուեցաւ Դամասկոսի Սբ. Սարգիս եկեղեցւոյ մէջ: Օրուայ Պատարագիչն էր Տ. Արմաշ Ս. Եպս. Նալպանտեանը, Առաջնորդ Դամասկոսի Թեմի, իրեն ընթերակայ ունենալով Տ. Աբգար եւ Տ. Հայարի Քահանայ Հայրերը: Յետ Սուրբ Պատարագի կատարուեցաւ աւանդական Խաղողօրհնէք, ի ներկայութեան Դամասկահայ բազմաթիւ հաւատացեալներու: