Կիրակի, 21. 07. 2024

spot_img

Թուրքիոյ Մէջ Հայկական Գերեզմանաքարեր Գտնուած են

Թուրքիոյ եւրոպական հատուածին մէջ գտնուող Թեքիրտաղ նահանգի Մալքարա գաւառին մէջ ջուրի խողովակներու վերանորոգման համար փորուած փոսին մէջ յայտնաբերուած են շիրմաքարեր:

Վկայակոչելով թրքական «Posta» կայքը` ermenihaber.am կը յայտնէ, թէ թիւով 8 գերեզմանաքարերը յայտնաբերուած են 1.5 մ խորութեան վրայ: Այդ թաղամասի բնակիչները հաղորդած են, որ բոլոր 8 շիրմաքարերն ալ բեռնատարով տեղափոխուած են պահեստ` աւելի ուշ ուսումնասիրութեան ուղարկելու համար:

Կը նշուի, որ գերեզմանաքարերը բաւականին ծանր  եղած են եւ ատոնցմէ իւրաքանչիւրը բարձրացնելու համար անհրաժեշտ եղած է  քանի մը մարդու ուժ:

Տեղի բնակիչներէն մէկը` Լեւանթ Պալճըն, լրագրողներուն յայտնած է, որ այդ վայրը անցեալին հայկական գերեզմանոց եղած է:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին