Հարուածային գործիքներու յայտնի վարպետ Արտօ Թունջպոյաճեան հանդէս եկած է Վենետիկի մէջ Ցեղասպանութեան զոհերու յիշատակին նուիրուած համերգին։ Այս մասին կը գրէ News.am-ը` վկայակոչելով իտալական շրջանային NordEst Quotidiano պարբերականը:
Համերգը տեղի ունեցած է Jazz im Pro-Armenia 1915-2015 ծրագիրին ծիրէն ներս, որուն կազմակերպիչներն են Հայկական մշակոյթի հետազօտութեան եւ արձանագրման վենետիկեան կեդրոնը եւ արուեստի «Գալիկուլա» ընկերակցութիւնը:
Armenian Dream ծրագիրի կազմակերպիչն ու հեղինակն է Իտալիոյ մէջ բնակող ֆրիուլներու փոքրաթիւ ազգի ներկայացուցիչ, դաշնակահար եւ երաժշտահան Գլաուտիօ Գոյանիսը: Համերգը տեղի ունեցած է վենետիկեան Բալացցօ Կրասսի թատերասրահին մէջ:
