Չորեքշաբթի, 19. 02. 2025

spot_img

100 Մեթր Երկարութեամբ Եռագոյնը Նեմրութի Բարձունքին

Հայոց Ցեղասպանութեան խորհուրդը կրող՝ 100 մեթր երկարութիւն ունեցող Եռագոյնը ծածանած է Նեմրութի բարձունքին՝ հին հայկական սրբավայրի մէջ: Այս մասին կը յայտնէ “Հայերն Այսօր”ը։

Օգոստոս 12ին հնագույն հայկական Ամանորի տօնի՝ Նաւասարդի առիթով (Օգոստոս 11), Հայոց Ցեղասպանութեան խորհուրդը կրող Եռագոյնը ծածանեցաւ նաեւ՝ Նեմրութ լերան բարձունքին գտնուող հայ աստուածներու յուշարձանախումբէն կազմուած հին հայկական սրբավայրի մէջ: Այս մասին ըստ «Հայերն Այսօր»ի կը յայտնէ Արցախեան ազատամարտի մասնակից, ֆոթոլրագրող, «Տիգրան Մեծ» բարեգործական հիմնադրամի նախագահ Սրապիոն Գէորգեանը, որ նաեւ 100 մեթր երկայնք ունեցող Եռագոյնի հեղինակն է:

Օգոստոս 12ի առաւօտեան հայ զբօսաշրջիկներէն կազմուած ուխտաւորներու խումբը սկսած է նուաճել լերան բարձունքը, որմէ ետք հնագոյն հայկական սրբավայրի շուրջ պարզելով Հայոց Ցեղասպանութեան խորհուրդը կրող դրօշը, շրջան կազմած է եւ 100 վայրկեան լռութեամբ յարգած է Ցեղասպանութեան անմեղ զոհերու յիշատակը:

Օգոստոս 11ին «Տիգրան Մեծ» հիմնադրամը յաջողած է Եռագոյնը ծածանել նաեւ՝ պատմական Հայաստանի Մեծ Հայքի Մոկք նահանգի Միջա գաւառի մէջ, Սարիխաչ լերան հարաւ-արեւմտեան լանջին, Ապարանէն Սուրբ Խաչ վանքի խաչքարերու շուրջ, որոնք իրենց 12-14 թոն կշիռքով եւ 6 մեթր բարձրութեամբ ոչ միայն աշխարհի ամենամեծ խաչքարերն են, այլ նաեւ հայ ազգի երբեմնի հզօր ուժի վկան:

Նշուած նախաձեռնութիւնները հնարաւոր եղած է իրականացնել «Ախթամար թուր» գործակալութեան աջակցութեան շնորհիւ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին