Շաբաթ, 20. 07. 2024

spot_img

Վանի Աղթամարի Ս. Խաչ Եկեղեցւոյ Պատարագը Կրնայ Չեղեալ Համարուիլ

Թուրքիոյ արեւելեան եւ հարաւարեւելեան շրջաններուն մէջ վերջերս տեղի ունեցող ռազմական գործողութիւններուն պատճառով, մեծապէս տուժած է տարածքի զբօսաշրջութիւնը: Թուրքիոյ մէջ տիրող վտանգաւոր մթնոլորտը իր բացասական ազդեցութիւնը կ՛ունենայ նաեւէ պատմական Հայաստանի զբօսաշրջութեան համար մեծ հետաքրքրութիւն ներկայացնող վայրերուն վրայ: Այս մասին կը յայտնէ ermeniheberը, լուրը փոխանցելով «Թիւրքիէ Կազեթասի»էն։

Թրքական «Թիւրքիէ Կազեթասի» թերթը գրած է, թէ մասնաւորապէս Վան քաղաքին մէջ, ուր պանդոկները մշտապէս 90 տոկոսով յաճախորդներ կ՛ունենային, զբօսաշրջիկներու կողմէ գրեթէ բոլոր ամրագրումները ջնջուած են մինչեւ Հոկտեմբեր:

Վանի զբօսաշրջութեան միութեան նախագահ Ապտուլլահ Թունճտեմիր նշած է, թէ ռազմական գործողութիւններուն պատճառով, զբօսաշրջային գործակալութիւններու բոլոր ծրագիրները տակնուվրայ եղած են։

Վանի Աղթամար կղզիի Սուրբ Խաչ եկեղեցւոյ մէջ, ամէն տարի Սեպտեմբերի երկրորդ Կիրակի օրը մատուցուող Ս. պատարագը, նուազ ուխտաւորներ ունենալու կամ ընդհանրապէս չեղեալ համարուելու հաւանականութիւնը կը դիմագրաւէ:

Նոյն աղբիւրին համաձայն՝ պատարագին մասնակցելու համար արտերկրէ Վան ժամանել ցանկացող բազմաթիւ անհատներ եւ զբօսաշրջիկներու խումբեր՝ ապահովական նկատառումներով ջնջած են իրենց ծրագիրները։

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին