ՀՀ Սփիւռքի նախարարութեան, ԼՂՀ կրթութեան եւ գիտութեան նախարարութեան եւ «Աւան Շուշի Փլազա» հիւրանոցի նախաձեռնութամբ ու աջակցութեամբ, Շուշիի մէջ Օգոստոս 17-21 պիտի իրականացուի՝ ասմունքի համահայկական 4րդ փառատօնը, որ նուիրուած է Հայոց Ցեղասպանութեան 100րդ տարելիցին: Այս մասին կը հաղորդէ ՀՀ Սփիւռքի նախարարութեան մամուլի գրասենեակը։
Փառատօնին պիտի մասնակցին 61 ասմունքողներ Հայաստանէն եւ Սփիւռքէն (ԱՄՆ, Լիբանան, Ուքրանիա, Պելառուս) նաեւ 42 ասմունքողներ Արցախէն:
Փառատօնի ծիրէն ներս մասնակիցները պիտի այցելեն Արցախի տեսարժան վայրեր:
