Մուսա Լերան հերոսամարտի 100 ամեակին ընդառաջ` հերոսամարտի մասնակիցներուն անկոտրում կամքը, ազատագրական ոգին եւ արիութիւնը խորհրդանշող յուշահամալիրի տարածքին մէջ սկսած են շինարարական եւ բարեկարգման լայնածաւալ աշխատանքներ:
Յուշարձանի եւ հերոսամարտի պատմութիւնը ներկայացնող թանգարանի շինարարութեան կապուած հարցերուն եւ մանրամասնութիւններուն, արդիականացման աշխատանքներու ընթացքին տեղւոյն վրայ ծանօթանալու նպատակով, երէկ Մուսա լերան յուշահամալիր այցելեց պաշտպանութեան նախարար Սէյրան Օհանեան` նախարարի առաջին տեղակալ Դաւիթ Տօնոյեանի, բարձրաստիճան այլ պաշտօնատարներու եւ զինուորականներու ընկերակցութեամբ:
Քննարկելով տարածքին բարեկարգման կապուած առաջարկներն ու դիտարկումները, աշխատանքներու կատարման յաջորդականութիւնն ու ժամանակացոյցը, Օհանեան անձնակազմին տուաւ յանձնարարականներ` նշուած ժամկէտերուն մէջ աշխատանքները աւարտին հասցնելու նպատակով:
