Գանատայի պաշտպանութեան նախարար Ճէյսըն Քենի, Թորոնթոյի մէջ Հայ-գանատական պահպանողական ընկերակցութեան կազմակերպած երեկոյին ընթացքին իր արտասանած խօսքին մէջ, վերահաստատած է իր կուսակցութեան յանձնառութիւնը՝ Հայոց Ցեղասպանութեան հարցին մէջ արդար պայքար մղելու վերաբերեալ: Այս մասին կը հաղորդէ Armenpress.amը։
«Մեր Պահպանողական կուսակցութիւնը, անկախ քաղաքական ճնշումներէ, պիտի շարունակէ հաստատակամօրէն մնալ Հայոց Ցեղասպանութեան հարցին մէջ պատմական իրականութեան ճիշդ կողմը», ըսած է Քենի:
Ան ընդգծած է նաեւ Պահպանողական կուսակցութեան պատրաստակամութիւնը՝ Միջին Արեւելքի կրօնական եւ ազգային փոքրամասնութիւններուն ոտնահարուած իրաւունքները պաշտպանելու:
