Չորեքշաբթի, 19. 02. 2025

spot_img

Հայկական Կեդրոներ Կը Շարունակեն Ջրամատակարարման Ծառայութիւն Կատարել Հալէպի Մէջ

Հալէպի բնակչութիւնը կը շարունակէ ճաշակել աշխարհի ամէնէն վտանգաւոր պատերազմներէն մէկը՝ հրասանդերու, կազի շիշերու եւ զանազան տեսակի հրթիռներու արձակումներուն պատճառած ահ ու սարսափի, աւեր ու քանդումի կողքին տարիներէ ի վեր կը դիմագրաւէ նաեւ կենցաղային դժուարութիւններ: Այս մասին կը յայտնէ Perio newsը:

Արդարեւ քանի մը շաբաթէ ի վեր, Հալէպի մէջ ջուրի հոսքի դադրեցման պատճառով՝ հերթաբար ջրամատակարարում կը կատարուի քաղաքի զանազան շրջաններու մէջ:

Քաղաքի տարբեր կառոյցներ, ըլլան մզկիթներ կամ որոշ շէնքեր, որոնց կարգին նաեւ հայկական ակումբներ, կեդրոններ եւ եկեղեցիներ, որոնք ջրհորներ եւ ջրամբարներ ունին, կը շարունակեն ջուրի մատակարարման ծառայութիւն կատարել անվճար։ Ուստի բազմաթիւ փողոցներու մէջ կարելի է տեսնել՝ երկար շարքերով ջուր ամբարելու համար իրենց կարգը սպասող մարդիկ:

Ջուրի տագնապի հետեւանքով պարտք կը զգանք, կը յայտարարէ Perio newsը մեր սիրելի ժողովուրդին՝ թելադրելու, որ զգոյշ ըլլան անվստահելի աղբիւրներէ ջուր ըմպել, որպէսզի օգտագործման հետեւանքով չհիւանդանան յատկապէս մեր երախաները։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին