Համահայկական խաղերու 9 մրցութային օրերէն ետք, մետալներու ոչ պաշտօնական հաշիւով առաջնակարգը Երեւանի խումբն է, այս մասին կը յայտնէ artsakhpressը:
Առաջին տեղը նուաճած խումբը ունի 89 մետալ՝ 34 ոսկի, 25 արծաթ եւ 30 պրոնզ: 33 մետալով երկրորդ տեղը գրաւած է Գիւմրիի խումբը` 11 ոսկի, 10 արծաթ եւ 12 պրոնզ: Եռեակը կ’եզրափակէ Վանաձորը` 6 ոսկի, 7 արծաթ եւ 4 պրոնզ մետալներով:
Համահայկական ամառնային 6-րդ խաղերու ջահը Մայիս 8-ին վառեցաւ Շուշիի մէջ եւ Արցախի ու Հայաստանի քաղաքներով ուղեւորուեցաւ Հայաստանի Հանրապետութեան մայրաքաղաք Երեւան: Համահայկական ամառնային 6րդ խաղերը կը կայանան Օգոստոս 2-13ը: Բոլոր խաղերուն մասնակցած մարզիկներուն թիւը գերազանցած է 6350ը:
