2015ի Յունիսին Թուրքիա այցելած է 4254 հայաստանցի, որ 34 տոկոսով պակաս է նախորդ տարուան նոյն ժամանակահատուածի համեմատ։ Նախորդ տարի Յունիսին Թուրքիա այցելած էր 6424 հայաստանցի։ Այս մասին կը յայտնէ NEWS.amը, վկայակոչելով Թուրքիոյ մշակոյթի եւ զբօսաշրջութեան նախարարութեան տրամադրած տուեալները։
Իսկ 2015ի Յունուար-Յունիս ամիսներուն Թուրքիա այցելած հայաստանցիներու թիւը նախորդ տարուան համեմատ նուազած է 32 տոկոսով՝ կազմելով 18524 հոգի։ Նախորդ տարի նոյն ժամանակահատուածին Թուրքիա այցելած էր 27152 հայաստանցի։
Թուրքիա Այցելող Հայաստանցիներու Թիւը Խիստ Նուազած է 2015ի Առաջին Կիսամեակին
