Վրացական The Tbilisi Times պարբերականը ծաւալուն յօդուածով եւ լուսանկարներու շարքով անդրադարձած է Հայ առաքելական եկեղեցւոյ Վիրահայոց թեմի գործունէութեան:
Ըստ Armenpress.am-ի՝ վրացական հեղինակաւոր պարբերականը ներկայացուցած է թեմի գործունէութիւնը, կատարած աշխատանքը: Ներկայացնելով թեմի պատմութիւնը՝ Վիրահայոց թեմի մամուլի դիւանի պատասխանատու Սուսաննա Խաչատրեան նշած է, որ թեմի հետեւորդ են Վրաստանի մէջ ապրող աւելի քան 350 հազար վիրահայեր, եւ շատերու համար եկեղեցին վերածուած է երկրորդ տան:
Խաչատրեանը մանրամասն ներկայացուցած է Վրաստանի մէջ հայկական եկեղեցիներու խնդիրը, ներկայացուցած Հայ առաքելական եկեղեցւոյ դիրքորոշումը այդ հարցին առնչութեամբ եւ խօսած այն ցանկին մասին, որ թեմը ներկայացուցած է Վրաստանի հոգեւոր առաջնորդը՝ Վրաստանի տարածքին գործող եւ խոնարհուած եկեղեցիները ետ ստանալու պահանջով:
