Եգիպտական «Սապահ ON» հեռուստաընկերութիւնը յատկացուցած է յատուկ թողարկում մը նուիրուած Հայոց ցեղասպանութեան 100-րդ տարելիցին:
Եգիպտոսի Ալեքսանտրիոյ մէջ հայ կաթողիկէ թեմի պատրիարք` Գրիգոր Օգոստինիոս Քուսա «Սապահ ON» հեռուսալընկերութեան տուած տեսակցութեան ընթացքին ըսած է, որ այս տարի Հայոց ցեղսպանութեան 100-րդ տարելիցն է, այդ առիթով «Կը յիշեմ եւ կը պահանջեմ» կարգախօսով կոչ կ’ուղղուի հաշուետուութեան եւ պատժելիութեան անհրաժեշտութեան համար: Այս օրերուն յաջորդաբար կը կրկնուին կոտորածները Սուրիոյ, Իրաքի եւ Լիպիոյ մէջ, անգամ կոտորածները հասան Թունիսի Բարտօ թանգարանէն ներս: Այնուամենայնիւ հայերը կը յիշեն , որ օսմանցիները 100 տարի առաջ սպաննեցին իրենց, եւ շուտով` Ապրիլ 24-ին կը նշուի ցեղասպանութեան 100-րդ տարելիցը:
