Երկուշաբթի, 20. 05. 2024

spot_img

ԱԶԴԱԿ- ԱՐԱՐԱՏ- ԶԱՐԹՕՆՔ-Ի ԲՈՎԱՆԴԱԿՈՒԹԵԱՆ ՅԱՏԱԿԱԳԻԾԸ

Ապրիլ 24-ի օրը հրատարակուող ԱԶԴԱԿ-ԱՐԱՐԱՏ-ԶԱՐԹՕՆՔ միացեալ օրաթերթի բովանդակութեան յատակագիծը արդէն պատրաստ է` երեք օրաթերթերու գլխաւոր խմբագիրներու աշխատանքային հանդիպումներէն բխած։

Թիւը պիտի ունենայ միացեալ խմբագրական, որուն բովանդակային առանցքը հիմնուած է Հայոց ցեղասպանութեան 100-ամեակի առիթով հրապարակուած համահայկական հռչակագրի ճշդած հիմնադրյթներուն վրայ։ Իբրեւ առաջնորդող երեք յօդուածներ ստորագրութիւն պիտի ունենան հայ քաղաքական երեք կուսակցութիւններու պետական-քաղաքական գործունէութեան մէջ պատասխանատուութիւններ վարած անուններ։

Միացեալ օրաթերթի առաջին էջը բնականաբար տեղ պիտի յատկացնէ պետական եւ հոգեւոր բարձրագոյն մակարդակներէ յղուած ուղերձներու եւ ապրիլ 23-ին հայրենիքի, Սփիւռքի եւ Լիբանանի մէջ 100-ամեակի առիթով կազմակերպուած կարեւորագոյն ձեռնարկներուն։

Յօդուածագրական բաժնին համար  որոշուեցաւ տեղ տալ բացառապէս երեք օրաթերթերու խմբագրակազմերու անդամներուն յատկապէս խմբագրական պատասխանատու պաշտօններ վարող մամուլի երիտասարդ գործիչներուն։

Միացեալ թիւը առեւտրական-գովազդային բաժին պիտի չունենայ։ Երեք թերթերու խմբագրութիւնները սկսած են դիմումներ ստանալ տարբեր հաստատութիւններու կողմէ հայ մամուլին աջակցելու։ Աջակցելու նպատակով խմբագրութիւններուն յղուած հաղորդագրութիւններուն տեղի պիտի տանք նկատի ունենալով անոնց պատշաճութիւնը` թիւի բովանդակութեան։

Միացեալ թիւէն օրինակներ պիտի ուղարկուին Հայաստանի հանրապետութեան թէ Սփիւռքի մամուլի խմբագրութիւններուն, մատենադարաններուն եւ գրադարաններուն։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին