Ուրբաթ, 14. 06. 2024

spot_img

Վերջին Հրաժեշտ Ազգային Մեծ Բարերար Կարպիս Նազարեանին

Երէկ յետմիջօրէին լիբանանահայութիւնը ազգային յուղարկաւորութեամբ մը հրաժեշտ տուաւ ազգային մեծ բարերար Տիար Կարպիս Նազարեանին:

Յուղարկաւորութեան արարողութիւնը կատարուեցաւ Անթիլիասի Ս. Գրիգոր Լուսաւորիչ Մայր Տաճարին մէջ, որ գլխաւորեց Ն.Ս.Օ.Տ.Տ. Արամ Ա. Կաթողիկոսը: Թաղման արարողութիւնը կատարեց  Լիբանանի Հայոց Թեմի Բարեջան առաջնորդ  Գերշ. Շահէ Եպս. Փանոսեան:

Ներկայ էին Լիբանանի խորհրդարանի Նախագահին եւ Վարչապետին  ներկայացուցիչները, ՀՀ դեսպան պարոն Աշոտ Քոչարեան եւ Լիբանանի պետական, ազգային ու կուսակցական աւագանիին պատկանող դէմքեր ու Հ.Բ.Ը.Մ.ի եւ Հ.Ե.Ը.ի ղեկավարութիւնը:

DSC_1978

DSC_1995Թէքէեան Մշակութային Միութիւնը կը ներկայացնէր ԹՄՄ Հիմնադիրներու Մարմնի ատենապետ՝ պետական նախկին երեսփոխան ընկ. Յակոբ Գասարճեանը: ՌԱԿ Լիբանանի Շրջանային Վարչութիւնը ներկայացուց ընկ. Սեւակ Յակոբեան:

Հ.Բ.Ը.Մ.ի դրօշով ծածկուած հանգուցեալին թագաղին շուրջ Հ.Ե.Ը.ի  սկաուտական խումբը ներկայ էր իբրեւ պատուոյ պահակ:  Յուղարկաւորութեան՝ մահերգով ընկերակցեցաւ Հ.Ե.Ը.ի շեփորախումբը:

Աւարտին ընթերցուեցան ՀՀ Վսեմաշուք նախագահ Սերժ Սարգիսեանի, Ամենայն Հայոց Կաթողիկոս Ն.Օ.Ս.Տ.Տ. Գարեգին Բ. եւ Մեծի Տանն Կիլիկիոյ Կաթողիկոս Արամ Ա. Վեհափառներու ցաւակցագիրերը:

Կարպիս Նազարեանի մահով հայ ժողովուրդը կորսնցուց ազգային բարերար մը եւ վաստակաւոր միութենական մը, որուն բերած նիւթաբարոյական ներդրումը մեծ էր համայն հայութեան բարօրութեան մէջ:

Յիշատակն արդարոց օրհնութեամբ եղիցի:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին