Երկուշաբթի, 20. 05. 2024

spot_img

Տիգրան Մանսուրեանի Ստեղծագործութիւնը Պիտի Հնչէ Սթամպուլի Փառատօնին

Սթամպուլի Մշակոյթի ու արուեստի հիմնադրամին կողմէ կազմակերպուող՝ Սթամպուլի 43-րդ երաժշտական փառատօնը տեղի պիտի ունենայ Մայիս 31-էն Յունիս 29, «Tert.am»ի փոխանցմամբ կը տեղեկացնէ «CNNturk»ը:

Սթամպուլի մէջ տեղի ունեցած մամլոյ ասուլիսի ընթացքին փառատօնի տնօրէն Եշիմ Կիւրեր Օյմաք նշած է, որ փառատօնի ընթացքին երաժշտասէրները սիմֆոնիկ համերգներու հարուստ ընտրութիւն պիտի ունենան:

Փառատօնի ընթացքին պիտի հնչեն նաեւ հայ յայտնի երաժշտահան Տիգրան Մանսուրեանի գործերը:

«Մանսուրեան գրեթէ   1000 տարուան պատմութիւն ունեցող հայկական երաժշտութեան արդի տարրերն ու հին աւանդոյթները միաւորող հմտութիւն եւ երաժշտական գիտելիքներ ունի,  որ անոր կը դարձնէ մեր օրերու ամենայատուկ հեղինակներէն մէկըԱլտի եւ դաշնամուրի համար գրուած անոր ստեղծագործութեան առաջին ելոյթը պիտի կայանայ Յունիս 10-ինՍուրբ Որդուոց եկեղեցւոյ մէջ:

Յոյսով ենքայդ ստեղծագործութիւնը 1915-ին մեր հայ եղբայրներու ապրած ողբերգութեան ու կորուստները միասին յիշատակելու համար առիթ կը դառնայ», ըսած է ան:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին