Երեքշաբթի, Յունուար 27ին, Ռամկավար Ազատական Կուսակցութեան Կեդրոնական վարչութեան ատենապետ ընկեր Մայք Խարապեան, ընկերակցութեամբ Կեդրոնական վարչութեան անդամ ընկեր Լեւոն Պըլըքեանի, այցելեց Հ.Յ.Դ. Բիւրոյի «Քրիստափոր Միքայէլեան» կեդրոն եւ ընդունուեցաւ Հ.Յ.Դ. Բիւրոյի ներկայացուցիչ Հրանտ Մարգարեանի կողմէ, որուն կ՚ընկերակցէր Հ.Յ.Դ. Բիւրոյի անդամ Կիրոյ Մանոյեան։
Հանդիպումի ընթացքին քննարկուեցան ընդհանրապէս հայ իրականութեան եւ մասնաւորապէս՝ Արցախի եւ Միջին Արեւելքի վերջին զարգացումները, ինչպէս նաեւ՝ Հայոց Ցեղասպանութեան 100-րդ տարելիցին առնչուած հարցեր։
Որոշուեցաւ շարունակել պարբերական հանդիպումները։
