Թէքէեան Մշակութային Միութեան Փասատինա-Կլենտէյլի մասնաճիւղի վարչութիւնը կազմակերպած է դասախօսական երեկոյ մը, որ տեղի պիտի ունենայ Կիրակի, 18 Յունուար 2015-ի երեկոյեան ժամը 5-ին, Միութեան Ալթատինայի «Պէշկէօթիւրեան» սրահին մէջ։
Դասախօսութեան նիւթն է «100-ամեայ Ցեղասպանութիւնը՝ Հրանդ Տինքի Հետքերով», իսկ զեկուցաբերն է վերապատուելի Եսայի Սարմազեանը Թորոնթոյէն։ Գեղարուեստական յայտագիրին պիտի մասնակցին ՀԲԸ Միութեան Վաչէ եւ Թամար Մանուկեան վարժարանի ամակերտներ, ղեկավարութեամբ իրենց ուսուցիչ Նորայր Տատուրեանին:
Մուտքը ազատ է բոլորին եւ դասախօսութեան աւարտին տեղի պիտի ունենայ պատշաճ հիւրասիրութիւն։ Խիստ շահեկան այս միջոցառումը կազմակերպուած է, յարգելու համար անմահ յիշատակը բիւրաւոր մեր անմեղ զոհերուն:
