Ամսթերտամի մէջ Հայոց Ցեղասպանութեան 100-րդ տարելիցին նուիրուած ձեռնարկ մը տեղի պիտի ունենայ 30 Յունուար-ին:
Կը նախատեսուի, որ դասախօսութիւն կարդայ Ութրեխտի համալսարանի պատմութեան դասախօս եւ Պատերազմի, Հոլոքոսթի ու Ցեղասպանութեան հետազօտութիւններու ինսթիթութի (NIOD) գիտաշխատող դոկտոր Ուգուր Ումիթ Ունգորը` “Ցեղասպանութեան պատճառներու եւ ընթացքի” մասին: Այդ օրը պիտի ազդարարուին Հոլանտայի եւ այլ վայրերու մէջ, Հայոց Ցեղասպանութեան 100-րդ տարելիցին նուիրուած ձեռնարկներու ծրագիրները: Այս մասին ըստ “Արմէնփրես”ի կը տեղեկացնէ Հոլանտայի “Աբովեան” մշակութային միութիւնը:
Ձեռնարկը կազմակերպուած է Հոլանտահայ կազմակերպութիւններու դաշնութեան (FAON) “Ապրիլ 24 կոմիտէ”ի եւ Հայ ուսանողական “Գլաձոր” միութեան (ASV Gladzor) համագործակցութեամբ:
